Kenyara bidaiatuko du "Vascos por el Mundo" saioak gaur gauean

"Vascos por el Mundo" saioak Kenyara bidaiatuko du gaur gauean, natura eta fauna basatia protagonistatzat ditugun lurraldera. Lehoi, gepardo eta elefanteen artean ibiliko dira, eta bertako txokorik ikusgarrienak ezagutuko dituzte Txema, Ioseba eta Antonio euskaldunen eskutik.

Bertako hiriburua, Nairobi, Afrikako hiririk garrantzitsuenetako bat da, bere argi eta itzalekin. Roberto Vazquezek eta Jorge Torresek bertan ulertuko dute sakonago hain ezaguna den "Hakuna matata" (ez dago arazorik) esaldiaren esanahia.

Beraz, bertan hasiko dute bisita, kolorez betetako hirian, Nazio Batuen Erakundeak munduan duen egoitza garrantzitsuenetako batean hain zuzen. Nairobiko Parke Nazionalean ere izango dira, hiri batean kokatuta dagoen munduko parke bakarrean.

Ondoren, hain ezaguna ez den Nairobi batean murgilduko dira, merkatuen hirian eta Afrikako bigarren kokaleku informal handienean. Bidean geldiune bat eginez, Kenyako gastronomia tipikoa dastatuko dute, barazkietan oso aberatsa dena, baina batez ere haragian.

Bidaia bukatzeko, safaria egingo dute: kanpamenduek nola funtzionatzen duten ezagutuko dute eta euren begiekin ezagutuko dute El rey león filma estreinatu zenetik askok amestu dutena. Masai lurraldean ere murgilduko dira eta Victoria aintzira bisitatuko dute, munduko bigarren aintzirarik handiena.

"Vascos por el Mundo" ostegunetan izaten da ikusgai, 22:30ean, ETB2n eta eitb.eus-en.