17:00etatik aurrera
Olaizola II - Albisu vs Irribarria - Zabaleta, gaur, ETB1en zuzenean
EITB MEDIA
Horrez gain, beste bi binakako pilota partida, Euskal Herriko Harri Handien Txapelketa eta palako Kutxabank Liga eskainiko ditu ETBk.
Pilota. EITBren bideo batetik ateratako irudia
Herri kirolak eta pilota eskainiko ditu gaur ETB1ek. ETB4 katean aldiz, palako Kutxabank Liga izango da ikusgai.
11:30ean, harri-jasotzaileen jardunaldi bat eskainiko da ETB1en, Euskal Herriko Harri Handien Txapelketa. Juanan Legorburuk eta Gibetegik egingo dute kontakizuna.
Arratsaldean, 17:00etan hasiko dira Astelena pilotalekuan jokatuko diren binakako partidak. Bengoetxea VI - Salaverri II eta P. Etxeberria - Bikuña pilotariek jokatuko dute lehen binakakoa; ondoren, partida nagusia jokatuko dute Olaizola II.ak eta Albisuk Irribarriaren eta Zabaletaren aurka; eta azkenik, Alberdi - Larunbe vs Salaberria - Tolosaren kontra arituko dira. "ETB Kantxa" saioan eskainiko dira partidak zuzenean, ETB1en eta eitb.eus-en, eta hauen jarraipena, Xabier Euzkitzek eta Mikel Idoatek egingo dute.
13:30ean palako Kutxabank Liga eskainiko da ETB4 katean. Garate - Perez vs Necol - Ibarguren eta Fausto - Urrutia vs Ibarguren - Ibargarai arituko dira aurrez aurre. Xabier Euzkitzek eta Mikel Aierbek egingo dute pala partiden kontakizuna.