Igandean
Ainhoa Goikoetxea eta Joxe Mari Iriondo, 'Finlandia'ra gonbidatuak
A.E.
EITB
Olaberriko Karting-eko Desapiyua-n Aitziber Garmendia eta Ainere Tolosa egongo dira.
'Finlandia'. Argazkia: EITB
Oso gonbidatu bereziak izango ditu 'Finlandia' saioak igande honetan. Ainhoa Goikoetxea eta Joxe Mari Iriondo hartuko dituzte Aitziber Garmendia eta Ainere Tolosak. Astero izan ohi dira 'Aire Aire' saioa gogoratuz fikziozko Ainhoa eta Joxe Mari 'Finlandia'n, baina aste honetan benetakoak hartuko dituzte.
Iraola Tecnologies tartean txerri karreran jarriko dituzte bi gonbidatuak. Bestalde, Ainhoa Goikoetxeak eta Joxe Mari Iriondok karaokean abesteaz gain, 'Atrapa Un Millon' programan egongo balira bezala jokatu beharko dute.
Halaber, Olaberriako Karting zirkuitura Ainere Tolosa eta Aitziber Garmendia aurkezleak joango dira. Txus Jaio rally gidariarekin sartuko dira autoan.
Perurena eta Olasagasti bikotea jardunean ikusiko ditugu: aste honetan taberna bat atrakatzera joango dira. Kerman, berriz, albistegietako aurkezle bilakatuko da egun batez.
Konjuntubaren atalean OIN`E Mn taldeak 'Bariku' abestia joko du.
'Finlandia' 21:35ean dago ikusgai igande honetan ETB-1en.