Audientzia oharra
'Vaya Semanita, Cambio Radical' arrakastatsu estreinatu zen
A.E.
EITB
Ia 400.000 ikus-entzulek jarraitu zuten ETB-2n atzo gauean emandako denboraldiko lehen atala.
Goreti, Goierriko ileapantzailea. Argazkia: EITB.
'Vaya Semanita, Cambio Radical' arrakastatsu estreinatu zen atzo ETB-2n. Audientziaren %15,4ko zatia eskuratu zuen eta 167.000 ikus-entzule izan zituen bataz beste EAEn eta eragin esparrua. Halaber, ia 400.000 ikus-entzulek jarraitu zuten ETB-2n atzo gauean emandako denboraldiko lehen atala.
Saioan egindako berrikuntza guztiak, aktoreak, pertsonaiak, historiak, eta egun aldaketa ere ondo hartu dituzte ikus-entzuleek. Hartara, ETB-2ko ordutegi nagusian %7,3ko ratinga lortu zuen.
Javier Anton, Iker Galartza, Maribel Salas, Yannick Vergara, Miriam Cabeza, Iñigo Salinero, Yago Mateo, Ivan Villanueva, Iñaki Ardanaz eta Mauro Muñizek osatzen dute aro berri honetako aktore taldea. Era guztietako pertsonaiak, erraz ezagutzen direnak, osatzen dute 'Vaya Semanita'ko unibertsoa. Istorio eta esketx ezberdinetan sartuko diren pertsonaiak dira. Istorio guztiek jarraipena izango dute.