Kapitainen iritsiera, gaur gauean, "El Conquistador del Caribe" saioan

Espekulazio askorekin hasi da "El Conquistador del Caribe"saioaren abentura, baina, azkenean, gaur 22:30ean ezagutuko dituzte euren kapitainak Atabey, Corocote eta Yocahu taldeek.

Sorpresa hau, ordea, ez da lehiakide guztientzat atsegina izango; izan ere, paper garrantzitsua izango dute proban Manu, Seleta eta Durana kapitainek eta batek baino gehiagok nahiago izango du kapitain barik lehiatzea.

Buruari eragin eta matematiketan duten ezagutza praktikan jarri beharko dute taldeek. Erro karratu bat izango da bigarren ataleko korreoan izango duten argibide bakarra eta hori izango da immunitate jokoaren abiapuntua.

Gainera, kanpamentu oso txiroan egotea gero eta zailagoa da Los Haitises parkeko azken euriak direla; horregatik, garesti ordainduko dute lehiakideek edozein hutsegite. Talde gorriak okerreko hankarekin hasi du abentura eta desabantailean dago Arrutiren kanporaketaren ondoren. Hori guztia kanpamentu oso txiroan igarotako gau gogorrari gehituta, ezinbestekoa izango da Yocahu taldearentzat aurrera egitea eta hurrengo immunitate jokoa irabaztea.

Bestalde, Herrantxik taldekide batzuekin izandako desadostasunen ondoren, garrantzitsua izango da Cocoroteek beraien egoak baretzea eta taldean lan egitea. Urdin eta gorrien jomugan dago taldeen neska. Erraz irabazi zuten berdeek eta ikurrina berriz ere Atabey taldeak irabazten baldin badu, taldeen arteko ezberdintasuna gero eta larriagoa izango da, besteak beste, janari ezagatik.

"El Conquistador del Caribe" astelehenero izaten da ikusgai, 22:30ean, ETB2n eta eitb.eus-en. Gainera, atal guztiak EITB Nahieranen daude ikusgai.