Larunbatean
Bigarren mailako futbola, zuzenean, ETB-1en
A.H.
EITB
Alaves-Burgos eta Bartzelona B-Celta partidak eskainiko dira 'Zilarrezko Futbola' saioan.
'Zilarrezko Futbola', Txemi Galarraga, Foto: EITB.
Larunbat honetako 'Zilarrezko Futbola' saioak bigarren mailako bi futbol partida eskainiko ditu zuzenean. Arratsaldeko 16:00etan Alaves eta Burgos taldeek jokatuko dute elkarren aurka Gasteizen eta Xabier Andueza, Juanan Larrañaga eta Joseba Urkiolak komentatuko dute. Ondoren, Bartzelona B eta Celtak Bigarren 'A' Mailako partida jokatuko dute eta Ander Txintxurretak eta Naxari Altunak egingo dute emanaldiaren gaineko kontakizuna.
ETBK Sat kateak, bere aldetik, Inter Movistar eta Triman Navarra areto futboleko taldeen arteko norgehiagoka eskainiko du arratsaldeko 17:30ean. Gaueko 22:30ean, berriz, Urtasun-Lizaso eta Uterga-Ion bikoteek Hernanin jokatutako erremonte partida eskainiko da.