17:00etan
Euskalgym 2011 erakustaldia, asteartean ETB-1en
A.H.
EITB
Azaroaren 12an Bilbao Arena pabiloian ospatutako gala izango da ikusgai.
GImnasta. Argazkia: EFE
Joan zen azaroaren 12an Bilbao Arena pabiloian ospatutako Euskalgym gala eskainiko du ETB-1ek astearte honetan, arratsaldeko 17:00etatik aurrera. Munduko gimnastarik onenak eta Euskadiko taldeak bildu ziren bertan.
Munduko txapelketetan urrezko, zilarrezko eta brontzezko dominak lortutako goi mailako gimnasten erakustaldiez gozatzeko parada izango dute ikus-entzuleek. Eurekin batera, euskal taldeak ere arituko dira: Donostia, Ipurua, Izar-Leku, Sakoneta eta abar. Azkenik, Almudena Cid gasteiztarrak egingo duen saioa ere ikusgai izango da.