Eguberri Eguna
Eibarko pilota jaialdia, igandean, zuzenean, ETB-1en
A.H.
EITB
Horrez gain, Euskadiko Golf Txapelketa, Estrella Damm padel sariaren finala eta El Diario Vasco pilota torneoa ere eskainiko dira.
Pelota. Argazkia: EITB
Eguberri egunean, Eibarko pilota jaialdiarekin bat egingo dute zuzenean Euskal Telebistako kamerek arratsaldeko 17:00etatik aurrera eta bertan jokatuko diren hiru pilota partidak eskainiko dira. Hasteko, Oiarzabal-Merino eta Mendizabal III-Zabaleta bikoteek elkarren aurka jokatuko dute; ondoren, Titin III-Merino II eta Aritz Lasa-Zubieta arituko dira nor baino nor jardunaldiko partida nagusian eta azkenik, Gorka-Ladis Galartza eta Jaunarena-Arruti bikoteek emango diote amaiera jaialdiari. Xabier Euzkitzek, Josean Tolosak eta Koldo Aldalurrek egingo dute kontakizuna ETB-1en.
Bestalde, goizeko 12:00etan Euskal Telebistak beste pilota hitzordu bat izango du igandean Zumarragan: El Diario Vasco pilota afizionatuen torneoaren finala. Koldo Aldalurrek emango du jardunaldiaren berri ETB-1en.
ETBK Sat kateak, bere aldetik, Negurin jokatutako Euskadiko Golf Txapelketaren laburpena eskainiko du 14:30ean eta ondoren, 15:30ean, Madrilen jokatutako Estrella Damm padel sariaren finala eskainiko da.