"El Conquis" debatea bere ordu tartean audientzia-buru, asteazken gauean

Asteazken gaueko "El Conquis" debatea bere ordu tartean lider izan zen, % 17,5eko audientzia-zatiarekin, denboraldiko daturik altuenarekin, hain zuzen ere. Patxi Alonsok aurkeztutako saioak 214.000 ikus-entzuleko audientzia metatua bereganatu zuen Euskadin eta eragin eremuan, eta aurtengo edizioko bigarren saiorik ikusiena izan zen.

Julian Iantzi platoan egon zen abenturako nondik norakoak eta lehiakideekin duen jarrera azalduz. Gainera, Leire Basañez Los Haitiseseko azken kanporatua izan zuten gonbidatu.