17:15ean
Robotikaren munduaz, osteguneko 'Haratago'n
A.H.
EITB
Hasier Etxeberriak aurkeztuko duen dokumentalak munduan zehar burutzen ari diren ikerketa harrigarrienak aztertuko ditu.
'Haratago', Hasier Etxeberria. Argazkia: EITB
Gizakien moduan hitz egin eta ibiltzen den robota filmetan ikusi izan dugu maiztasun handiz eta zientzialariek belaunaldiz belaunaldi esan dute halako robota heltzear zegoela; baina sekula ez dute halakorik lortu. Osteguneko 'Haratago' saioak robotikaren mundu arraro eta konplexuan zehar bidaiatzeko aukera aurkezten du.
Bada, esaterako, bere buruaren erreplika egiten ari den zientzialari bat. Eta bada, baita ere, giza inteligentzia bideo-joko baten bidez azaltzen duen italiar bat. Hamaika proiektu dago munduan zehar banatuta. Eta guztiek helburu bera dute: gizakiaren klon teknologiko bat sortzea. Horiek guztiak ezagutu nahi izango ditu 'Haratago'k osteguneko atalean, 17:15etik aurrera, ETB-1en.