Montepaschi Siena eta Gescrap Bizkaia elkarren aurka zuzenean ETB-1en

Asteazken honetan, Gescrap Bizkaia talde bilbotarrak Montepaschi Siena talde italiarraren kontra jokatuko du Euroligako Top 16 fasearen lehenengo partida. Norgehiagoka Sienatik zuzenean eskainiko da 20:45etik aurrera eta Asier Aranguren eta Josean Aldalurrek emango dute partidaren berri ETB-1en.

Horrez gain, Euskal Telebistak zuzenean eskainiko ditu Mungiako pilota jaialdiko hiru partidak, arratsaldeko 17:00etatik aurrera. Lehenengo norgehiagoka Idoate- Peñagarikano eta Ezkurdia- Merino I bikoteek jokatuko dute eta jardunaldiko partida nagusiak Martinez de Irujo- Barriola eta Aritz Lasa- Zubieta bikoteak jarriko ditu aurrez aurre. Amaitzeko, Urrutikoetxea- Iza eta Tainta- Argote bikoteek jokatuko duten partida eskainiko da. Xabier Euzkitzek, Josean Tolosak eta Elena Azpetiak emango dute jaialdiaren berri ETBK Sat-en, eta lehenengo bi partidak ETB-1en errepikatuko dira saskibaloiaren ondoren.