Murcia eta Lagun Aroren arteko norgehiagoka, zuzenean, ETB-1en

Igande honetako kirol eskaintza, UCAM Murcia eta Lagun Aro taldeak elkarren aurka jarriko dituen Endesa Ligako partidaren emanaldiarekin hasiko du Euskal Telebistak. Murtziatik zuzenenean eskainiko da norgehiagoka 12:30etik aurrera eta Xabier de la Fuente eta Josean Aldalur komentaristek egingo dute kontakizuna.

Eguerdiko 13:30etan ETBK Sat kateak Elgoibarreko Mugertza Nazioarteko Krosarekin bat egingo du eta Juanan Legorbu eta Xabier Leibar izango dira berriemale. Emanaldia arratsaldeko 16:15ean errepikatuko da ETB-1en.

Amaitzeko, ETB-1ek Bilboko pilota jaialdiaren berri emango du zuzenean. 17:00etan Gonzalez- Peñagarikano eta Ezkudia- Pascual bikoteen arteko norgehiagoka eskainiko da eta ondoren, Olaizola II- Beroiz eta Martinez de Irujo- Barriola bikoteek jokatuko dute. Xabier Euzkitze, Josean Tolosa eta Elena Azpeitiak egingo dute partiden gaineko kontakizuna ETB-1en.