Audientzia oharra
'Euskadi Directo'k inoizko daturik onena lortu du
A.H.
EITB
Euskal Telebistan bigarren urtea betetzearekin batera, 268.000 ikus-entzuleko audientzia metatua lortu zuen asteazkenean.
Adela Gonzalez, 'Euskadi directo' saioko aurkezlea. Argazkia: EITB
'Euskadi Directo' saioak inoizko audientzia daturik onena izan zuen asteazkenean, 268.000 ikus-entzuleko audientzia metatua lortuz Euskadi eta honen eragin esparruan. Aktualitate saioak bigarren urtea bete du ETB-2n eta audientziaren babesa opari ederra izan da ezbairik gabe. Bi urte hauetan EDko erreportari taldea Euskal Herriko kaleetan zehar ibili da etenik gabe albisteen bila. Asteazkeneko saioak bataz besteko 116.000 ikus-entzule izan zituen eta audientzia zatiaren %13,1 lortu zuen.