Kirolak
Buruz buruko erremonte finala eta CaixaBank Masterseko finalerdiak, asteburuan, zuzenean
EITB Media
Urriza vs Barrenetxea VI, Elezkano II-Mariezkurrena II / Peña II-Rezusta eta Altuna III-Aranguren / Olaizola II-Zabaleta partidak izango ditugu ikusgai ETB1en eta eitb.eus-en asteburuan.
Buruz buruko erremonte finala eta CaixaBank Masterseko finalerdiak, zuzenean
Asteburu honetako kirol eskaintzaren barruan, buruz buruko Kutxabank erremonte txapelketaren finalaz eta CaixaBank Masterseko bi finalerdiez gozatu ahal izango dugu zuzenean ETB1en eta eitb.eus-en.
Urriza vs Barrenetxea VI erremonte finala larunbatean jokatuko da Hernaniko Galarreta pilotalekuan. 15:10ean hasiko da emankizuna Ansa II- Labaka / Goikoetxea V-Larrañaga partidarekin.
Erremontearen ostean, esku pilota izango dugu Vianatik. Elezkano II-Mariezkurrena II / Peña II-Rezusta CaixaBank Masterseko lehen finalerdiarekin batera, Victor-Galartza / Agirre-Imaz norgehiagoka izango da ikusgai.
Igande arratsaldean jokatuko da Zumaian CaixaBank Masterseko bigarren finalerdia: Altuna III-Aranguren / Olaizola II-Zabaleta. Emanaldi hau Bengoetxea VI-Larunbe / Irribarria-Erostarbe neurketarekin osatuko da.
Asteburuko kirol eskaintza Donostiako Banderarekin (igandean, 09:45ean hasita) eta Banakako Pentatloiaren bigarren finalerdiarekin (igandean, 15:20ean) osatuko da.