Kultur leihoa
Amaia Montero, 'EITB Kultura' saioan, aste honetan
A.E.
EITB
Kukai taldearekin eta Xabi ta Pettirekin ere egongo dira.
Amaia Montero. Argazkia: EITB
Aste honetan, 'EITB Kultura' saioan, Amaia Monteroren azken lanaz arituko dira. Abeslariak 11 abesti berri bildu ditu bakarka egin duen bigarren diskoan, Amaia Montero 2 izeneko diskoan.
Musikarekin jarraituz, Xabi ta Petti, bi musikariek elkarrekin duela urte bete abian jarri zuten proiektuari erreparatuko diote.
Dantzak ere izango du tartea saioan. Kukairen Out In ikuskizun berriaz arituko dira. Karrikan muntaiaren berrikuspena da Out In. Dantzaren esparruan, halaber, @leph, Leire Ituarteren muntaia berriaz arituko dira. Hainbat mundu diferentetan barrena bidaia birtuala proposatzen dute.
Arabako Teknologia Parkean dagoen E8 eraikinaren formei buruz ere arituko dira saio honetan. Coll Barreu Arquitectos estudioaren lana da Araban kokatuta dagoen eraikina.
'EITB Kultura' astelehenean ETB-1en 23:30ean dago ikusgai; asteartean, ETB-2n 00:00etan eta ostiralean 22:30ean ETB-3n.