Igandean
Athletic-Real derbiari jarraipen berezia, ETBn
A.A.
EITB
Horrez gain, saskibaloi, aizkolari eta pilota emanaldiak egingo dira.
Derby Athletic-Reala. Argazkia: EITB
Euskal Telebistak adi-adi jarraituko du igandean San Mamesen jokatuko den Athletic-Real Sociedad derbia. 'Tribuna Gol' saio berezia eskainiko du ETBK Sat-ek 18:00etatik aurrera, partida amaitu orduko, nondik norako guztiak aztertzeko. Mikel Olazabalek gidatuko du programa eta Jorge Cerrato eta Igor Sarriegi kazetariak izango ditu lagun.
Hitzordu garrantzitsu honen ingurukoak eta futbol jardunaldiko emaitza eta gertakizunak bilduko dituzte baita ere 'Gol Festa' (ETB-1, 19:30h) eta 'Tribuna Gol' (ETBK Sat 22:30h) saioek.
Bestalde, hiru kirol emankizun egingo ditu ETB-1ek: 12:15ean Endesa Ligako Lagun Aro-Estudiantes saskibaloi neurketa; 16:00etan aizkolarien Eusko Label sariko finalen lehen jardunaldia, eta 17:00etan, Logroñoko pilota jaialdia. Bertan, eskuz binakako bi partida jokatuko dira: Julen Retegi-Peñagarikano / Ezkurdia-Merino I eta Titin III-Merino II / Olaizola II-Beroiz.