Elorrioko Gazeta auzoa, arratsaldean, "Historias a Bocados" saioan

Gaur, "Historias a Bocados" saioan, Joseba Arguiñanok Gazeta ezagutuko du, Elorrio osatzen duten landa-auzoetako bat.

Patxi Landaburu, Gazetaren erdigunean dagoen Andra Mari baselizaren sakristauaren semea da. Baselizaren inguruan 83 harpidedun dituen kofradia bat dago, auzoak 100 biztanle dituela jakinda, agerian geratzen da kofradiak duen garrantzia. Kofradiaren txokoan, bakailaoa piper gorriekin prestatuko dute Josebak eta Patxik, eta bertoko produktu tipikoekin osatuko dute otordua, piperrak, intxaurrak, gazta eta sagar-gozokia.

Alberto Aguirrek bere aldetik, Joseba Durangaldeko paraje ikusgarriak bisitatzera eramango du eta Gazeta auzoaren historia eta ezaugarriez hitz egingo dute. Bazkaltzeko, ganbak karabinero erara prestatuko dituzte barazkiekin eta okaran eta jengibrez egindako saltsarekin.

Amaitzeko, Karlos Ibarrondok limusina espezieko behiak nola zaindu behar diren erakutsiko dio Joseba Arguiñanori. Elkarrekin, txuleta ederra prestatu eta jango dute, Karlosen hainbat istorio eta bizipenez hitz egiten duten bitartean.

"Historias a Bocados" gaur izango da ikusgai, 20:00etatik aurrera, ETB2n eta eitb.eus-en.