Kirol emanaldiak
Saskibaloia, txirrindularitza, aizkolariak eta pilota, igandean, ETBn
A.A.
EITB
'Gol Festa' eta 'Tribuna Gol' saioek futbol jardunaldiaren errepasoa egingo dute.
Lagun Aro. Argazkia: EFE
Kirol eskaintza zabala prestatu du Euskal Telebistak iganderako. Ohi denez, emanaldiak ETB-1en eta ETBK Sat-en tartekatuko dira.
12:15etik aurrera ETB-1en saskibaloia izango da ikusgai, Endesa Ligako Lagun Aro GBC-Caja Laboral neurketa.
14:15ean txirrindularitza emanaldia hasiko da ETBK Sat-en, Tirreno Adriatico lasterketaren 5. etapa, Martinsicuro eta Prati Di Tivo artean.
Asteroko herri kirol tartean, ETB-1en, 16:00etan, goizean Azpeitian jokatutako aizkolarien Eusko Label Sariko finalen bigarren jardunaldia eskainiko dute.
Bostetan, ohi denez, pilotaren txanda izango da. Eibarko Astelenara garamatza hitzorduak, binakako bi partidaz gozatzeko: Gonzalez-Cecilio / Julen Retegi- Merino I eta Irujo-Barriola / Aritz Lasa-Zubieta.
Amaitzeko, 'Gol Festa' (ETB-1, 19:30h) eta 'Tribuna Gol' (ETB-1, 22:30h) saioek futbolari dagozkion berri guztiak ekarriko dituzte.