Itziar Alduntzin 'Finlandia' saioan, igandean

Igandean, martxoak 18, 21:30ean, 'Finlandia' saioko beste atal berri bat izango dugu ikusgai ETB-1en. Gonbidatua irratiko ahots ezaguna izango dute: Itziar Alduntzin. Gazteatik atera dute eta ordu bete inguru 'Finlandia'ko platoan izango da.

Horrez gain, fikzioak ere toki garrantzitsua izango du aste honetako saioan. Artekarik eta Axkolayak betiko martxan jarraituko dute, lehenengoak egoera txoroenetan ateratzen eta bigarrenak bajeran abenturak bizitzen. Olazabal eta Azkargortak izarren liga edo Tzanpionza nola doan kontatuko dute berriz ere. Gainera, sekzio berrien beste atal bat ikusiko dugu; Konkis-en Julian Iantziren bizitzako abenturak ikusiko ditugu eta aurkezle den lehiaketatik libratzeko dituen komeriak ere bai.

Bestalde, Axi Muniain eta bere kuadrilak aste honetako saltoak ekarriko dituzte eta Zentro de Diako hirukoteak galdeketan jarraituko dute. Olasagasti eta Rufino ereazalduko dira platotik dortoka karreretan dirua uzten jarraitzeko. Eta, nola ez, Eriz Magoak majia tartea ekarriko du.

Hori dena, igande gauean, 21:30ean, 'Finlandia'n.