Asteazkenean
CSKA Mosku eta Gescrap Bizkaia elkarren aurka, zuzenean, ETB-1en
A.H.
EITB
Partida Moskutik zuzenean eskainiko da 17:15etik aurrera.
Gescrap Bizkaia. Argazkia: EFE
CSKA Mosku eta Gescrap Bizkaia taldeek elkarren aurka jokatuko dute Euroligako final laurdenetako saskibaloi partida eta Euskal Telebistak zuzenean eskainiko du norgehiagoka Errusiako hiriburutik arratsaldeko 17:15etik aurrera. Asier Arangurenek eta Josean Aldakurrek egingo dute emanaldiaren gaineko kontakizuna ETB-1en. Partida arratsaldeko 20:00etatik aurrera errepikatuko da ETBK Sat-en.
Bigarren mailako futbola
Horrez gain, Amorebieta eta Guijuelo taldeek elkarren aurka jokatuko duten Bigarren Mailako futbol partida eskainiko du ETBK Sat kateak zuzenean. Xabier Andueza, Juanan Larrañaga eta Joseba Urkiola komentatuko dute arratsaldeko 18:00etatik aurrera.
'Tribuna Gol' berezia
Amaitzeko, 22:00etan 'Tribuna Gol' saioa aurkeztuko du Txemi Galarragak Lehen Mailako 29. jardunaldiaren berri emateko. Arreta berezia eskainiko diete At Madril-Athletic eta Real Sociedad-Levante neurketei.