Kirolak
Saskibaloia, errugbia, aizkolariak eta pilota, igandean, ETBn
A.A.
EITB
Futbol laburpenak ere eskainiko dira.
Ampo Oridizia. Argazkia: EITB.
Igande honetako ETBren kirol programazioa saskibaloi emanaldiarekin hasiko da 12:15ean. Assignia Manresa eta Caja Laboral izango dira nor baino nor Endesa Ligako 29. jardunaldiko partida honetan.
Bazkal ostean, goizean jokatutako Bizkaia Gernika-Ampo Ordizia errugbi partida izango da ikusgai ETBK Sat-en 15:30ean.
16:00etan, ETB-1en, herri kirolen tartea zabalduko dute, goizean Zerainen ospatutako aizkolarien banakako Eusko Label sariko 3. Jardunaldia eskaintzeko.
Ohi denez, pilota izango da ikusgai jarraian. 'ETB Kantxa'ko kamerak Eibarko Astelenan izango dira oraingo honetan. Jaialdia bigarren mailako txapelketako partidarekin hasiko da: Urrutikoetxea-I. Zabala / Jaunarena-Cecilio. Ondoren, Gonzalez-Merino eta Irujo-Ladis Galartza bikoteek neurtuko dituzte indarrak.
Lehen Mailako futbol jardunaldiaren errepasorako bi hitzordu izango dituzte ikus-entzuleek: 'Gol Festa' (19:30h, ETB-1) eta 'Tribuna Gol' (22:30h, ETBK Sat).