Errebantxa kutsua duen jumar batean lehiatuko dira dira, gaur, "El Conquistador del Caribe" saioan

"El Conquistador del Caribe" saioaren 9. ataleko immunitate jokoak kapitainentzat ahaztezina den toki batera eramango ditu lehiakideak. Pareta arrokatsuak oroitzapen ederrak ekarriko dizkio Begori; ez, ordea, Andreari; izan ere, bertan txikitu zuen Begok Andrea iazko jumar historikoan. Errebantxa kutsua izango duen jokoaren zehaztasunik ez dugu oraindik, baina postaz jazoko dituzten mezuetan honako hau eskatuko zaie taldeei: immunitate jokoan kapitainaren eskuineko eskua izango den lehiakidea aukeratzeko.

Nahia buru duen taldeak kolpe latza jaso berri du. Lideren agurrak negarrez utzi ditu taldekideak, Atabey taldeko lehiakiderik konpleto eta gogorrenetakoa baitzen donostiarra. Elkarren segidan kanpamentu oso txiroan igaro dituzten bi gauek arrasto latzak utzi dituzte nesken taldean: Leirek ezin ditu ahaztu jasotako bost lantzak, eta, orokorrean, adorerik gabe daude guztiak. Premiazkoa dute, beraz, poztasuna eta kemena emango dien garaipen bat. Immunitate jokoa irabazteko aukeraketa ona egitea ezinbestekoa dute Atabey taldekoek, eta Terete hautatuko dute Nahiaren eskuineko esku bezala.

Kanpamentu txiroa Yocahu taldekoen etxe bihurtu da azken hiru asteetan, eta etxez aldatzeko irrikaz daude, baina kanpamentu aberatsera joateko; oso txiroa ez dute ezagutzen, eta ez dute ezagutzeko gogorik. Iban joango da jokoaren berri jasotzera, eta ziur daude Corocote taldeko kideak kanpamentu aberatsetik botako dituztela.

Merezimendu osoz, talde urdina hondoa jotako ontziaren jabe egin da, eta ez du hondartza uzteko inolako asmorik. Ezagutu zuten kanpamentu oso txiroa, eta nahiago dute berriz ez itzuli. Begok eta gainerako corocoteek Unai aukeratu dute kapitainaren laguntzaile gisa. Lortuko al du donostiarrak taldeak berriz ere ikurrina altxatzea? Astelehenean jakingo dugu zein taldek irabaziko duen immunitate jokoa, eta etxerako bidea hartuko duen lehiakidea nor den argituko dugu.

"El Conquistador del Caribe" astelehenetan izaten da ikusgai, 22:30ean, ETB2n, eitb.eus-en eta "El Conquis"en aplikazioan. Gainera, EITB Nahieran atarian, saioaren eta EITB Nahieran aplikazioetan eta EITB Mediaren gainerako plataforma digitaletan ikus daitezke atal guztiak.