22:30ean
Oscar sarietako bitxikeria dibertigarrienak eta 'Los niños de Windermere' filma, gaur gauean, "LND" saioan
EITB Media
Félix Linaresek 'Los niños de Windermere' filmaren xehetasun guztiak emango ditu; Nazien kontzentrazio-esparruetatik bizirik atera ziren haur juduen istorioan du oinarria.
'Los niños de Windermere' filmaren irudia
Gaur gauean, ETB2k Los niños de Windermere filmaren estreinaldia eskainiko du telebistan, "La Noche de..." saioan. Aurretik, Félix Linaresek gertakari historikoan inspiratutako filmaren xehetasunak ekarriko ditu. Bigarren Mundu Gerraren ondoren, 300 haur judutar, ia guztiak umezurtzak eta nazien sarraski-eremuetatik bizirik ateratakoak, britainiar lurretan errefuxiatu gisa hartu zituzten.
Bestalde, igandean Oscar sariak banatuko dituzte, eta honen harira "LND" saioak golardo hauen inguruko bitxikeria dibertigarriak ekarriko ditu gogora. Atal honetan jakingo dugu nork egin zuen hitzaldirik luzeena, nork eman zuen hitzaldirik laburrena edo nork jantzi duen traje edo soinekorik itsusiena.
Eta azkenik, Felix Linaresek Hollywoodeko bost izarri buruzko erreportaje harrigarria aurkeztuko du. Batek zerraldo batean egiten zuen lo; beste batek Jesukristoren arreba zela esan zuen; hirugarrenak drogak hartzen zituen bere txakurraren bizkarrean, eta horrela, bosteko zerrenda osatu arte.
"La Noche de... Los niños de Windermere" gaur izango da ikusgai, 22:30etik aurrera, ETB2n eta eitb.eus-en.