Urdanetara bisita, Aian, gaur "Historias a Bocados" saioan

Urdanetara egingo du bisita gaur Joseba Arguiñanoren "Historias a Bocados" saioak, Gipuzkoan. Aia udalerria osatzen duten 11 auzoetako bat da Urdaneta, eta bertako hiru bizilagun eta haien istorioak ezagutuko ditu aste honetan Josebak, ohi bezala, mahai baten bueltan.

Aitor Iruretagoienak landetxe bat du Urdanetan, Zarautzera eta itsasora begira. Inguru paregabe horretan, Aitorren familiaren etxean aspalditik prestatu izan duten errezeta zahar bat dastatuko dute: baratxuri-zopak hautsitako arrautzekin. Hain zuzen ere, txikitan, baserriko lanak bukatutakoan, jan ohi zuten platera da. Ondoren, Aitorren domo geodesikoa ere ezagutuko dute.

Josu Lizasok hainbat ogibide izan ditu, tartean sukaldari, arotz eta egun lorezain Zarautzen. Bere benetako pasioa, baina, animaliak dira eta hainbat ditu bere landa-turismoan: Ahuntz nanoak, Vietnamgo txerriak, ahariak, ardiak, indioilarrak, untxiak, ahateak, oilarrak, astoak, zaldiak eta poniak, oreinak eta garagardotxoak, mapatxeak, zezenak, idiak, eskoziar behiak... Bi bufalo eme ere baditu, eta jaten ematen diete, ogia. Ondoren, berdela tenpuran prestatuko dute, tipulin frijituekin eta ahuakate eta baratxuri emultsioarekin.

Azkenik, Asier Aristi abeltzainarekin elkartuko da Joseba. 80 behi ditu Asierrek, eta animaliei jaten emateko "entsalada berezia" prestatzen aurkitu du Josebak, nahasgailu erraldoi batean askotariko belarrak eta artoa nahastuta. Ondoren, parrilan prestatutako txuleta dastatuko dute elkarrekin.

"Historias a Bocados: Urdaneta", Joseba Arguiñanorekin, gaur izango da ikusgai, 20:00etan, ETB2n eta eitb.eus-en.