Ostiralean
Zubieta eta Aritz Lasa elkarren aurka, zuzenean, ETB-1en
A.H.
EITB
Altsasuko pilota jaialdia eskainiko da 22:00etik aurrera zuzenean.
Aritz Lasa, EITB.
Ostiral honetan, Altsasuko pilota jaialdiarekin bat egingo dute Euskal Telebistako kamerek gaueko 22:00etatik aurrera. Hasteko, Ladis Galarza eta Zabaletak jokatuko dute bigarren mailako banakako norgehiagoka eta ondoren Zubietak eta Aritz Lasak elkarren aurka jokatuko dute banakako txapelketako partida. Xabier Euzkitzek, Josean Tolosak eta Koldo Aldalurrek emango dute partiden berri ETB-1en.
Romandiako tourraren hirugarren etapa ETBK Sat-en
Horrez gain, Romandiako Tourraren hirugarren etaparekin bat egingo du ETBK Sat-ek zuzenean arratsaldeko 16:10etik aurrera. Etapak La Neuveville eta Charmey herrien arteko 157,6 kilometro izango ditu eta Fermin Aramendik eta Xabier Usabiagak emango dute emanaldiaren berri Euskal Telebistan.