22:30ean
'La familia Bélier' filma eskainiko du gaur "La Noche de..." saioak
EITB Media
Komedia frantses honetako protagonista Bélier familia da. Kide bat izan ezik, beste guztiak gorrak dira.
'La familia Bélier' filmaren irudi bat
Gaur gauean, La familia Bélier izeneko komedia frantsesa izango dugu ikusgai "La Noche de..." saioan. Eric Lartigauk zuzendutako filmak Bélier familiaren gorabeherak kontatzen ditu. Kide bat izan ezik, beste guztiak gorrak dira. Louane Emera, Karin Viard, François Damiens, Luca Gelberg eta Roxane Duran dira aktore protagonistak.
La familia Bélier ikusi aurretik, hainbat xehetasun kontatuko ditu Felix Linaresek. Esate baterako, aurten hiru Oscar sari eskuratu dituen pelikula baten aurrekari dugula filma.
Horrez gain, Jack Nicholson eta Carmen Electra aktoreei buruzko erreportaje bana izango dira ikusgai, eta Brown films: marrones de película izeneko atala berreskuratuko dute, grabazioetan sortzen diren arazoei buruzkoa.
"La Noche de..." saioa astearteeetan izaten da ikusgai, 22:30ean, ETB2n eta eitb.eus-en.