Maikarmen ta Maikrux atsuak, 'Finlandia'n, igandean

'Finlandia'ko beste atal bat izango da ikusgai igande honetan, maiatzaren 6an. 21:30ean azalduko dira ETB-1en Joseina Etxeberria eta Edurne Garmendia aurkezleak beste bi gonbidatu xelebrez lagunduta, Maikarmen ta Maikrux, bi atsuak. Segway karrera eta Paxapalabrea lehiaketaz gainera, toro mekanikoa ere izango dute platoan, eta bai Maikarmen, bai Maikrux, gainera igo beharko dira Joseinak lagunduta.

Fikzio tartea ere garrantzitsua izango da igande honetako 'Finlandia'n. Aire-aire tartean errusiarren bitxikerien berri izango da Joxemari Iriondo eta Ainhoa Goikoetxearen eskutik, Tzanpionzak Mikel Olazabal eta Xabier Azkargorta lanpetuta izan ditu erantzun eta bideoekin, Julian Iantzik arazo dexente izango ditu Korta eta Barbaro bistatik kentzeko mertzeriara joaten denean ere. Gainera, Guardia Zibil bikoteak atez ateko zabor bilketa begi zorrotzez zaintzen jarraituko dute, oraingo honetan anbulantzia bati sekulakoa pasaraziz.

Gainera, 'dida!' Gaztea irratiko lehiaketarekin jarraituko dute, aste honetako esketx irabazlea eta netbook-a etxean jasoko duen parte-hartzailearen izena emanez.