Kultura Agenda
Jose Ramon Anda artista nafarra aste honetako 'EITB Kultura'n
A.H.
EITB
Saioak kultura agendaren errepasoa egingo du antzerki, musika eta arte lan berriak ezagutzera emanez.
EITB Kultura.
Aste honetan, Jose Ramon Anda artista nafarra izango da protagonista 'EITB Kultura'n eta Formas contra el tiempo erakusketa aurkeztuko du. Bertan 39 pieza bildu ditu artista moduan egindako 30 urteko ibilbidea gogoratuz. Bilboko Arte Ederren museoan dago ikusgai, irailaren 9ra arte.
Aste honetan gainera, 'EITB Kultura'k Katalin bere bidearen bila lana ezagutuko du, Arizkuneko jendeak sortutako antzezlana da. Amaia Zinkunegiren lana azpimarragarria da gidoia, arroparen diseinua eta eszenografiari dagokionez.
Horrez gain, Naica taldearen lehenengo diskoaren grabaketaren detaile guztien berri izango du 'EITB Kultura'k. Fish Taco izena du eta datorren hilabetean kaleratuko dute. Saioak bere ibilbide kulturala amaituko du Dejabu Panpin Laborategia konpainiaren esku. Gure bide Galduak ikuskizuna emango dute ezagutzera.
'EITB Kultura' astelehen honetan emango da goizeko 00:10etik aurrera ETB-1en, asteartean 01:10etik aurrera ETB-2n eta ostegunean 22:30etik aurrera ETB-3n.