ETB-1en
Rantxeren gaua, 'Kantuan' saioan, larunbatean
A.A.
EITB
Gazteako 'dida' saioko kideak eta Imuntzo eta Beloki musika taldea izango dituzte gonbidatu.
Julian Iantzi 'Kantuan'. EITB
Rantxerekin gozatzeko aukera izango dugu larunbat honetako 'Kantuan' saioan, bertako abeslari-taldearen eskutik: Iñigo Perurena, Leire Tejada, Estitxu Pinatxo, Juanpa Agirre, Zuriñe Hidalgo eta Olatz Korta.
Rantxera ezagun eta klasikoenen bertsioak egingo dituzte: 'El Rey', 'Fue tan poco tu cariño', 'Allá en el rancho grande', 'Juan Charrasqueado', 'Volver', 'Mexico lindo y querido' eta Rocio Durcalen 'Los tigres de Norte', esaterako. Horrez gain, euskarazko kantak entzuteko parada ere izango da: Joselu Anaien arrakastak, Imuntzo eta Beloki, eta abar.
Solasaldirako gonbidatu bereziak izango dituzte: Gaztea irratiko 'dida'ko kideak, Joseina Etxeberria, Edurne Garmendia, Ainhoa Vitoria eta Jon Gotzon. Aktuazioak komentatzeaz gain, taula gainean kantuan ikusiko ditugu hauek ere.
Imuntzo eta Beloki musika-talde gonbidatuak beraien arrakastak eskainiko ditu: 'Pena dut' eta 'Lehia ez da nahia'.
'Kantuan' saioa 21:45ean emango da, larunbatean, ETB-1en.