22:15ean
Madeira, gaur gauean "Vascos por el mundo" saioan
EITB Media
Joana Etxabe kazetariak eta Iñaki Esteban kamerak Atlantikoko irla honetako sekretu guztiak ezagutuko dituzte bertan bizi diren euskaldunekin.
Madeira.
Gaur, "Vascos por el Mundo" saioan, Joana Etxabe kazetariak eta Iñaki Esteban kamerak Madeira artxipielagoko natura basatia eta hondartza ikusgarriak ezagutuko dituzte bertan bizi diren Ander, Igor, Ainhoa, Xabi eta Vicenteren eskutik.
Jatorri bolkanikoa duen uhartea da Madeira, itsaslabar handiekin eta begiratoki ikusgarriez beteta. Barnealdeko mendiak baso hostotsuez estalita daude eta barrankismoa praktikatzeko toki ezin hobea da.
Funchal da uharteko hiriburua eta bertako gune historiko, kultural, komertzial eta ekonomiko garrantzitsuena. Hiriburua ingurutzen duten herrietan ere izango dira, horien artean, Porto Moniz, Camara de Lobos eta Santana.
Gainera, Porto Santo irlara egingo dute bidaia eta bertako Praia Dourada hondartza ezagutuko dute. Madeirara bueltan, Funchalen ospatuko den Loreen Jaialdian egongo dira.
"Vascos por el Mundo" gaur izango da ikusgai, 22:15ean, ETB2n eta eitb.eus-en.