22:30ean
'1942: La gran ofensiva' filmaren estreinaldia, gaur gauean "La Noche de..." saioan
EITB Media
Felix Linaresek aurkeztutako saioak Harrison Ford eta Sofia Vergara aktoreen inguruko erreportajeak eskainiko ditu, eta udako atal berri bat estreinatuko du: 'Donde el cine nos llevó'.
'1942: La gran ofensiva' pelikularen irudia
Gaur gauean, "La Noche de..." saioak 1942: La gran ofensiva (Rzhev, 2019) filmaren estreinaldia eskainiko du, Bigarren Mundu Gerran girotuta eta Rzhev hirian izandako bataila gogorrari buruzkoa. Borroka hori funtsezkoa izan zen Mosku inguruko nazien setio suntsitzailea hausteko eta benetako sarraskia izan zen: ehun-milaka hildako egon ziren bi aldeetan. Estreinaldiaren aurretik, Felix Linaresek filmazioaren inguruko datu guztiak emango ditu.
Bestalde, Harrison Forden 80. urtebetetzea dela eta, Indiana Jones eta Han Solo hezurmamitu zituen aktorearen inguruko erreportajea eskainiko dute. Halaber, Sofia Vergara eta bere senarra hartuko dituzte protagonista "Amores de verano" atalean. Amaitzeko, udako denboraldiko sekzio berria estreinatuko dute: "Donde el cine nos llevó".
Horrez gain, ikus-entzuleen ustetan zinemaren historiako musurik onena zein den azalduko du Linaresek, eta lehiaketan parte hartu duten guztien artean, sari bereziaren irabazlearen berri emango du.
"La Noche de... 1942: la gran ofensiva" gaur izango da ikusgai 22:30ean ETB2n eta eitb.eus-en.