Kirolak
Erremonteko San Fermin Txapelketako finala, gaur gauean ETB1en eta eitb.eus-en
EITB Media
Ansa II-Azpiroz / Ezkurra II-Juanenea norgehiagoka 22:00etan eskainiko da. Arratsaldean, Frantziako Tourreko 13. etapa izango dugu ikusgai, zuzenean, Bourg D'Oseans eta Sainz Etienne artean.
Erremonte emankizun bateko irudia. EITB Mediaren bideo batetik ateratako irudia
Hernaniko Galarreta pilotalekuan jokatuko den Erremonteko San Fermin Txapelketako finala izango dugu ikusgai ETB1en eta eitb.eus-en 22:00etatik aurrera. Ansa II-Azpiroz eta Ezkurra II-Juanenea izango dira nor baino nor gehiago.
Egunero bezala, arratsaldean, Frantziako Tourrari zabalduko diote leihoa. Bourg D'Oseans-Sainz Etienne artean jokatuko den 13. etaparen zuzeneko emankizuna 14:35ean hasiko da ETB4n eta eitb.eus-en, eta, 15:00etatik aurrera, ETB1en jarraituko du.