Kirolak
Arrauna, txirrindularitza eta zesta-punta, gaur, ETB1en eta eitb.eus-en
EITB Media
Euskotren eta Eusko Label Ligetako jardunaldi berri bat Hondarribitik, Burgosko Itzuliko azken etapa eta Gernika Jai Alai Gran Slam txapelketako bi partida izango dira ikusgai.
Gernikako zesta-punta txapelketako jaialdia, larunbat gauean
Kirolez beteriko programazioa izango dugu ETB1en eta eitb.eus-en gaur. Hasteko, Burgosko Itzuliaren bosgarren eta azken etapa (Lerma-Lagunas de Neila) ikusi ahal izango da 15:00etatik aurrera.
Arratsaldean arraunaren txanda izango da Hondarribitik zuzenean: 17:30ean Euskotren Ligako Mapfre Bandera eta 18:10ean Eusko Label Ligako Hondarribiko Bandera.
Azkenik, zesta-puntaz gozatu ahal izango dugu 23:30etik aurrera. Gernika Jai Alai Gran Slam txapelketako ligaxkako bi partida hauek izango ditugu ikusgai: Barandika-Etcheto / Goikoetxea-Basque eta Erkiaga-Lekerika / Beaskoetxea-Zabala.
Kirolik onena, gaur, ETB1en eta eitb.eus-en.