Kirol emanaldiak
Kirol eskaintza zabala gaur, ETB1en eta eitb.eus-en
EITB Media
Boiroko Bandera, Reala eta Athleticen arteko Euskal Herriko Koparen finalaurreko partida eta Donostia Hiria pilota torneoa izango dira ikusgai.
Your browser doesn’t support HTML5 video
Gaur, Coruñatik zuzenean eskainiko ditu EITBk Eusko Label ligako estropadak: Boiroko Bandera, 12:00etan. Mikel Olazabalek, Ibon Gaztañazpik eta Sara Gandarak egingo dute emanaldiaren kontakizuna ETB1en eta eitb.eus-en.
Arratsaldean, berriz, Reala eta Athleticen arteko Euskal Herria Kopa txapelketaren finalaurreko partida eskainiko dute ETB1ek eta eitb.eus-ek, 16:00etan, Naxari Altunaren eta Larraitz Lucasen kontakizunarekin.
Amaitzeko, Donostia Hiria pilota torneoa izango da ikusgai. Laso-Zabaleta eta Irribarria-Albisu bikoteek jokatuko dute txapelketa partida eta aurretik Artola-Elizegi eta P. Etxeberria-Bikuña bikoteen arteko norgehiagoka eskainiko da. Telebistako emanaldia 17:15ean hasiko da ETB4n eta 17:45ean pasako da ETB1era. Xabier Euzkitze, Abel Barriola eta Elena Azpeitia arituko dira berriemaile lanetan.