Kirol emanaldiak
Eskubaloiak, pilotak eta zesta-puntak osatuko dute gaurko kirol eskaintza
EITB Media
Super Amara Bera-Bera eta Malaga taldeen arteko eskubaloi partida, Donostia Hiria Torneoaren pilota finala eta Paueko zesta punta finala izango dira ikusgai ETB1en eta eitb.eus-en.
Super Amara Bera Bera eskubaloi taldea denboraldiaurreko irudian
Gaur, ostirala, kirol eskaintza zabala izango dute ETB1ek eta eitb.eus-ek. Hasteko, arratsaldeko 18:10etik aurrera, Super Amara Bera Bera eta Malaga taldeen arteko emakumezkoen Iberdrola Ligako partida eskainiko dute zuzenean. Jon Ander Gorospek eta Asier Zupiriak egingo dute eskubaloi norgehiagokaren kontakizuna.
Bestalde, Donostia Hiria torneoaren finala eskainiko dute ETB1ek eta eitb.eus-ek zuzenean: Ezkurdia-Mariezkurrena II vs Irribarria-Albisu. Aurretik, Peña-Elizegi eta P. Etxeberria-Tolosa bikoteek jokatuko dute atariko norgehiagoka. Xabier Euzkitzek, Abel Barriolak eta Diego Alvarezek egingo dute emanaldiaren kontakizuna.
Pilota emanaldia amaitzean, 00:40ean, Pauko zesta punta finala izango da ikusgai Erkiaga-Etcheto eta Olharan-Zabala bikoteen artean, Pedro Mari Goikoetxea eta Antxon Alberdiren kontakizunarekin.