Igandean
Irujo eta Idoateren arteko finalerdia, zuzenean, ETB-1en
A.A.
EITB
ETBK Sat-ek zuzenean eskainiko du Bilbon jokatuko den 10.000 metroko Europako Kopa.
Martínez de Irujo eta Idoate. EITB
Juan Martinez de Irujok eta Mikel Idoatek Eibarko Astelenan jokatuko duten buruz buruko finalerdia zuzenean jarraitu ahal izango da igande honetan ETB-1en. Emankizuna arratsaldeko bostetan hasiko da, bigarren mailako finalerdiarekin: Ezkurdia-Untoria. Ohi denez, Xabier Euzkitze, Joxan Tolosa eta Elena Azpeitiak egingo dute kontakizuna.
Jarraian, Bigarren Mailako Numantzia-Alcorcon futbol partida eskainiko du ETB-1ek zuzenean, Ander Txintxurreta eta Naxari Altunaren eskutik. Azkenik, herri kirolei eskainitako tartean, 16:00etan, aizkolarien Eusko Label Sariko banakako finalerdien berri emango dute Koldo Aldalurrek eta Jose Etxebestek.
Bestalde, Bartzelona eta Valentziaren arteko Endesa Ligako finalerdietako play-offetako bosgarren partida jokatzen bada, ETB-1ek zuzenean eskainiko du 12:15etik aurrera.
Atletismoa ETBK Sat-en
ETBK Sat-en, 18:50ean, 10.000 metroko Europako Koparen zuzeneko kontaketa egingo dute Juanan Legorburuk eta Xabier Leibarrek Bilbotik zuzenean.