Logroñoko pilota jaialdia zuzenean ETB-1en

Igande honetan, Logroñoko pilotalekuarekin bat egingo du ETB-1ek zuzenean eta bertan jokatuko den binakako pilota txapelketa eskainiko du. Hasteko, Olazabal-Larrinaga eta Mendizabal III-Cecilio bikoteen arteko norgehiagoka jokatuko da eta ondoren, Xala-Laskurain eta Titin III-Merino II bikoteek jokatuko dute partida nagusia. Xabier Euzkitzek, Josean Tolosak eta Elena Azpeitiak emango dute partiden berri 20:15etik aurrera.

ETB-1ek gainera, aizkolarien banakako Eusko Label sariaren finalaren emanaldia eskainiko du arratsaldeko 16:00etatik aurrera. Goizean Azpeitian ospatutako proba honen berri, Koldo Aldalurrek eta Jose Etxebestek emango dute.

Txirrindularitza ETBK Saten

Horrez gain, Suitzako itzuliaren bigarren etaparen berri emango du ETBK Sat-ek zuzenean. Verbania eta Verbier herrien arteko mendi etapari aurre egin behar izango diote txirrindulariek itzuliaren bigarren egunean, Italia eta Suitzaren arteko mugan. Xabier Usabiagak eta Fermin Aramendik emango dute etaparen berri 15:45etik aurrera.