Edukiak laburrean
EITBren eduki nabarmenenak gaurko, abenduak 25
EITB Media
ETB1en Eibartik pilota jaialdia zuzenean eta "SOS Kantak Arriskuan" Gabonetako berezia izango dira ikusgai. ETB2n, "Vascos po el Mundo" saioa Laponiara joango da.
Your browser doesn’t support HTML5 video
ETB Kantxa: Pilota.- 17:00etan ETB1en eta eitb.eus-en
Eguberri egunez, Eibarko Astelelena pilotalekuko jaialdia izango dugu ikusgai zuzenean. Elezkano II-Gaskue / Irribarria-Bikuña norgehiagokarekin hasiko da. Ondoren, Binakako Txapelketako partida jokatuko dute Altuna III-Tolosa eta Peña II-Mariezkurrena II.
SOS Kantak Arriskuan.- 21:50ean, ETB1en eta eitb.eus-en
Iker Lauroba, Klara Mendizabal eta Lide Hernando Ibarrangelura joango dira aste honetan Gabon kanta gehiagoren bila. Garai batean herrian abesten zen "Kebonikoak" kantaren inguruan informazioa bilduko dute eta gero, herrikideen laguntzaz, abesti hori eta beste bi gabon kanta abestuko dituzte.
Vascos por el Mundo.- 22:00etan, ETB2n eta eitb.eus-en
Eguberri egunean, Pedro Mardones kazetaria eta Juan Sisto kameralaria Finlandiako Laponiara abiatuko dira misio berezi batekin: Bizarzuri aurkitu behar dute, Euskal Herriko haurren opari bat emateko. Misio hori ez da batere erraza izango, eta "Vascos por el Mundo" saioko lantaldeak hainbat abenturari aurre egin beharko dio Finlandia iparraldeko eskualde horretan.