Kirol emanaldiak
Covaledako pilota jaialdia, ostiralean, zuzenean, ETB-1en
A.H.
EITB
Titin III-Zabaleta eta Gonzalez-Merino II bikoteek jokatuko dute partida nagusia.
Joxan Tolosa eta Xabier Euzkitze. EITB
Ostiralean, Euskal Telebistako kamerek Covaledako pilota jaialdiarekin bat egingo dute zuzenean eta bertan jokatuko diren binakako partidak eskainiko dira 22:00etatik aurrera. Hasteko, Apezetxea-Ladis Galarza eta Gorka-Peñagarikano bikoteak izango dira nor baino nor gehiago. Ondoren, partida nagusian, Titin III-Zabaleta eta Gonzalez-Merino II. Xabier Euzkitzek, Joxan Tolosak eta Koldo Aldalurrek emango dute jaialdiaren berri ETB-1en.
Suitzako Itzulia, ETBK Sat katean
Egunero bezala, ETBK Sat kateak Suitzako Itzuliarekin bat egingo du 15:45etik aurrera. Ostiralean, seigarren etapari aurre egin beharko diote txirrindulariek: 34,3 kilometroko erlojupeko proba izango da Gossau hirian. Xabier Usabiagak eta Fermin Aramendik egingo dute emanaldiaren gaineko kontakizuna zuzenean.