Edukiak laburrean
EITBren eduki nabarmenenak gaurko
EITB Media
ETB1en "Dailobit" saioak Elhuyar Fundazioaren ibilbidea aztertuko du; ETB2n, berriz, 'Mamma Mia! Una y otra vez' musikala izango da ikusgai.
Leire Palacios aurkezlea. Argazkia: EITB
Dailobit – 22:30ean, ETB1en eta eitb.eus-en
"Dailobit" saioaren atal berri honetan Elhuyar Fundazioaren 50. urteurrenari helduko dio Leire Palaciosek. Mende erdia ospatzeko 70ko hamarkadaraino egingo du atzera eta pausoz pauso Elhuyarren bidean izan diren mugarri garrantzitsuenak errepasatuko ditu etorkizuneko erronketaraino iritsi arte. Zientzia eta teknologia euskaraz sortzearen balioaz eta hauen dibulgazioaren garrantziaz hitz egingo dute.
Cine éxito: Mamma Mia!.- 22:30ean, ETB2n eta eitb.eus-en
Asteazken gauean "Cine éxito" tarteak Mamma Mia! Una y otra vez (Mamma Mia! Here We Go Again) filma eskainiko du.Ol Parkerrek zuzendutako komedia musikalean parte hartzen dute, besteak beste, Amanda Seyfried, Lily James, Christine Baranski, Julie Walters eta Pierce Brosnan aktoreek. Sophie gaztea Bella Donna hotela berriro irekitzeko prestakuntzetan murgilduta dago, eta ibilbide horretan amaren iraganeko hainbat pasadizo berri ezagutuko ditu.