Kirol emanaldiak
Eibarko pilota jaialdia zuzenean ETB-1en, igandean
A.H.
EITB
Horrez gain, ETBK Sat kateak Suitzako itzuliaren azkeneko etapa eskainiko du.
Joxan Tolosa eta Xabier Euzkitze. EITB
Igandean, Eibarko pilota jaialdia eskainiko du Euskal Telebistak zuzenean. Hasteko, Apezetxea-Larrinaga eta Olazabal-Merino bikoteek jokatuko dute lehenengo norgehiagoka eskainiko da eta ondoren, Retebi Bi-Zubieta eta Aritz Lasa-Zabaleta bikoteak arituko dira nor baino nor gehiago partida nagusian. Xabier Euzkitzek, Josean Tolosak eta Elena Azpeitiak egingo dute emanaldiaren gaineko kontakizuna ETB-1en, arratsaldeko 17:00etatik aurrera.
Aurretik, Muskizen bezperan izandako Harrizulatzaileen ligako proben emanaldia eskainiko da Koldo Aldalurren eskutik, arratsaldeko 16:00etatik aurrera.
Suitzako Itzuliaren azkeneko etapa, ETBK Sat-en
Bestalde, ETBK Sat kateak Suitzako itzuliaren zortzigarren eta azkeneko etaparekin bat egingo du zuzenean, 15:45etik aurrera. Azkeneko etapa honek Naufles Lintharena eta Safrenberg herrien arteko 216 kilometroko ibilbidea izango du. Xabier Usabiagak eta Fermin Aramendik emango dute lasterketaren berri.