Eduki nabarmenak
Gaurko eduki nabarmenak
EITB Media
"Biba Zuek!" saioan Nerea Alias eta "Txurru" izango dira gonbidatuak eta gauean 'Ilargi guztiak' filmaren estreinaldia izango da ETB1en.
Nerea Alias eta Txurru. Argazkia: EITB
Biba Zuek! – 18:00etan, ETB1en eta eitb.eus-en
Nerea Alias eta "Txurru", "Esto no es normal" saioko aurkezleak izango dira gonbidatuak. Bestalde, gaixotasun arraroak dituzten haurren eta euren familien bizi kalitatea hobetze aldera, EHUko ikerketa taldeak ikerketa bat egin du. Bi familia eta ikerketa taldeko bi kide bertaratuko dira saiora.
Ilargi guztiak – 22:30ean, ETB1en eta eitb.eus-en
Ilargi Guztiak pelikula estreinakoz emango da. Besteak beste Itziar Ituño, Josean Bengoetxea eta Zorion Egileor aktoreak protagonista ditu filmak. Azken Karlistaldiaren amaiera gertu dagoela, basoan bizi den emakume misteriotsu batek neskato bat erreskatatu du umezurztegi batean. Larri zauritua, eta, hiltzear dagoela, neskatxak bere bila etorri eta zerura eramango duen aingeru bat ikusi duela pentsatuko du. Laster jakingo du izaki bitxi horrek betiereko bizitza eman diola, gauaren ilunean elkarrekin betiko bizitzera behartuz.