Programazioa
Asteleheneko eduki nabarmenak ETB1en, ETB2n eta eitb.eus-en
EITB Media
ETB1en Ibon Martin idazlea "Biba Zuek!" saioan eta "Jai Alai Winter Series"; bestalde, "El Conquistador del Caribe" ETB2n.
Zesta punta
"Biba Zuek!" – 18:00etan ETB1en eta eitb.eus-en
Ibon Martin idazlea izango da saioko gonbidatua, El ladrón de rostros izeneko liburua kaleratu berri duena. Lehen orduan Bizipoza Elkarteko kideak gerturatuko dira Mundu berri bat guztiontzat kantu eta bideoklipen 3. edizioa aurkezteko.
"Jai Alai Winter Series" – 22:20ean, ETB1en eta eitb.eus-en
Jai Alai Winter Series zesta puntako 12.jardunaldia emitituko da Gernika-Lumoko pilotalekutik. Bertan Goiko-Etcheto eta Tambo-Mimvielle ibiliko dira norgehiagokan.
"El Conquistador del Caribe" – 22:30ean, ETB2n eta eitb.eus-en
Telebistako abentura reality gogorrenaren 19. edizioa. Denboraldi berri honetan Julian Iantzi aurkezlearekin batera Lur Errekondo egongo da. Atal honetan estrategia ezinbestekoa izango da ur kiloen jolasean.