Zuriñe Hidalgo izan da garailea 'Kantuan' saioko bozketan

Zuriñe Hidalgo nafarra izan da garaile 'Kantuan' saioko abeslari gustukoena hautatzeko bozketan. Hesian taldeko kantaria izan da eitb.com-en botoa eman dutenen artean gustukoena. Zorionak, beraz, Zizur Nagusiko Zuriñe Hidalgori!

Julian Iantzik gidatutako 'Kantuan' saioan, estilo guztietako abestiak entzun dizkiegu kantariei eta bakoitzaren dohainetan, estiloan eta agertoki gainean erakutsitako ziurtasunean oinarrituta jaso dituzte bozak aste hauetan guztietan.

Une gogoangarri ugari eman digu, gainera, 'Kantuan' saioak. Julian Iantzi bera, aurkezle lanetan jartzeaz gain, abesten ikusteko aukera izan dugu, baita Andoni Agirregomezkorta, Klaudio Landa, Asier Hormaza, Goenkaleko hainbat aktore eta Manu Maritxalar ere.

Gainera, euskal musika taldeek ere lekua izan dute 'Kantuan' saioko platoan. Lauroba, Imuntzo eta Beloki eta The Uski's taldeek euren doinuak taularatu dituzte 'Kantua'n saioko agertokian.