'Ni Más Ni Menos' eta westernak marka ondu dute

'Ni Más Ni Menos' saioak %18,9ko audientzia zatia eskuratu zuen atzo, inoiz izan duen audientzia zatirik handiena. Klaudio Landak aurkeztutako saioarekin, halaber, 251.000 ikus-entzulek egin zuten bat uneren batean EAEn eta eragin esparruan. Ondoren emandako Cometieron dos errores western filmak, halaber, 2012ko audientziarik altuena eskuratu du: %20,3 eta 158.000 laguneko audientzia metatua izan zuen.

Halaber, gaueko 'Teleberri', %17,9ko audientziarekin, eguneko albistegirik ikusiena izan zen. 210.000 ikus-entzuleko audientzia metatua izan zuen.

109.000 jarraitzaile 'Kontuz, Atsuak!!!' saioak

ETB-1eko 'Kontuz, Atsuak!!!' saioa arrakastaz eskaini zen ETB-1en: Anjel Alkain eta Iñake Irastorza protagonista dituen saioak 109.000 ikus-entzuleko audientzia metatua izan zuen. Euskaldunen artean %7,9ko audientzia izan zuen.