Gaur
Lille eta Athleticen arteko norgehiagoka, ETB-1en eta eitb.com-en
A.H.
EITB
Horrez gain, Euskal Telebistak Euskal Herriko Herriarteko pilota finala eskainiko du Gallartatik zuzenean.
Aduriz, Olympyque-n kontra sartutako gola ospatzen. Argazkia: EiTB
Gaur gauean, ETB-1ek eta eitb.com-ek Athleticek Lille talde frantziarraren aurka jokatuko duen denboraldiaurreko partida eskainiko du 21:00etatik aurrera. Aste bat baino ez da geratzen Atheltic txapelketa ofizialean estreinatzeko; Europa League-ko aurreneko partidak datorren astean hasiko dira. Gauzak horrela, ostiralekoa izan daiteke jokatuko den denboraldiaurreko azken partida. Norgehiagoka Dax-en jokatuko da eta Juanan Legorburu eta Angel Garitano izango dira emanaldiaren gaineko kontakizunaren arduradun.
Euskal Herriko Herriarteko pilota txapelketa finala
Bestalde, ETBK Sat kateak zuzenean eskainiko du Gallartako pilotalekuan jokatuko den Euskal Herriko Herriarteko pilota txapelketa finala. Markina eta Doneztebe sailkatu ziren pasa den asteburuan finalerako, Hernani eta Gasteizen kontrako joaneko partidak berretsiz. Pilota emanaldia 18:30etik aurrera eskainiko da ETBK Sat-en zuzenean, Iñigo Aiestaran eta Jose Mari Zezeagaren komentarioekin, eta ETB-1en errepikatuko da 22:40etik aurrera.