Kirol emanaldiak
Binakako pilota txapelketa, Bilbotik zuzenean, ETB-1en
A.H.
EITB
Olaizola II- Begino eta Berasaluze VIII- Albisu aurrez aurre izango dira txapelketako partidan.
Bizkaia pilotalekua. Argazkia: EFE
Euskal Telebistak Bilboko binakako pilota txapelketa eskainiko du gaur zuzenean. ETB-1eko kamerek arratsaldeko 18:30etik aurrera bat egingo dute Bilboko pilotalekuarekin, bertan jokatuko den pilota jaialdia osotasunean eskaintzeko asmoarekin. Hasteko, Saralegi- Ibai Zabala eta Julen Retegi- Zabaleta bikoteek jokatuko dute elkarren aurka, eta ondoren, Olaizona II- Begino eta Berasaluze VIII- Albisu bikoteak aurrez aurre jarriko ditu txapelketako partidak. Amaitzeko, Rico IV- Mendizabal II eta Mendizabal III- Cecilio bikoteen arteko norgehiagokak itxiko du jaialdia. Xabier Euzkitzek, Josean Tolosak eta Elena Azpeitiak egingo dute emanaldiaren gaineko kontakizuna.
Aste Nagusiko pala txapelketaren finala ETBK Sat-en
ETBK Sat kateak bere aldetik, Bilboko Aste Nagusiko Pala Txapelketaren finala eta hirugarren eta laugarren postuak erabakiko dituen partida eskainiko ditu zuzenean. Altadill- Lujan bikoteak astearteko finalaurreko partidaren irabazleen kontra jokatuko dute finala. Euskal Telebistako kamerek arratsaldeko 16:00etatik aurrera bat egingo dute Bilboko Bizkaia pilotalekuarekin eta Koldo Aldalur eta Mikel Aierbek emango dute partiden berri.