Zuzenean
Bermeoko Ikurrina eta Real Union-Logroñes, larunbatean, ETBn
A.A.
EITB
ETBK Sat-en areto futbola, piraguismoa eta erremontea izango dira ikusgai.
Your browser doesn’t support HTML5 video
Zuzeneko bi kirol emanaldi osatuko ditu ETB-1ek larunbat honetan: 18:00etan estropadak eta 20:00etan Bigarren B Mailako futbola. San Miguel Ligako traineruek azken aurreko jardunaldia izango dute Bermeon, eta horren berri emango dute Mikel Olazabal, Ibon Gaztañazpi eta Sara Gandarak. Irungo Gal estadioan jokatuko den Real Union-Logroñes partidaren nondik norakoak Xabier Anduezak, Juanan Larrañagak eta Joseba Urkiolak ekarriko dituzte. Bi emanaldiak eitb.com-en ere jarraitu ahal izango dira streaming bidez.
Bestalde, ETBK Sat-ek areto futbol emankizunei ekingo die larunbat honetan, Barcelona Alusport-Triman Navarra neurketarekin. Xabier Anduezak eta Juanma Ordozgoitik egingo dute kontakizuna 16:30etik aurrera.
18:20ean, Juanan Legorburuk piraguismoko Espainiako Maratoi Txapelketan gertatutakoa laburtuko du, eta, amaitzeko, 22:20ean, Oñatz-San Miguel / Juaristi-Urrutia I erremonte partida eskainiko da, Iñigo Aiestaran eta Iñaki Agirrezabala Matxin-en eskutik.