23:15ean
Urriko hauteskundeak aztergai, denboraldiko lehen 'Azpimarra+'n
A.H.
EITB
Maddalen Iriartek hauteskunde kanpaina, emaitzak eta sortu daitezkeen itunen gaineko solasaldia gidatuko du.
Maddalen Iriarte. Argazkia: EITB
Gaur denboraldiko lehen 'Azpimarra+' saioa izango da ikusgai, egungo gaiei lotuta dagoen informazio eta solasaldirako tartea. Lehen atal horretan, urriaren 21eko hauteskundeak sakon aztertuko dituen saioa gidatuko du Maddalen Iriartek. Hauteskunde kanpainaren nondik norakoak, alderdien artean eman daitezkeen akordio eta itunak, eta balizko emaitzak aztertuko dituzte. Solasaldi mahaiaren inguruan, Ander Iturriotz eta Xabier Aierdi soziologoak eta Eider Alkorta eta Asier Blas politologoak bilduko dira.
'Azpimarra+' asteartetan izango da ikusgai 23:15etik aurrera ETB-1en.