22:15ean
Jose Luis Korta, denboraldiko lehen 'Bisitaria'n
A.A.
EITB
Aurten ere, maleta hartuta, euskal gizarteko pertsonaia ezagunei bisita egingo die Xabier Euzkitzek.
Your browser doesn’t support HTML5 video
'Bisitaria'k maleta prestatu du denboraldi berriari aurre egiteko. Aurten ere, Xabier Euzkitzek gure gizarteko alor guztietako pertsonaiak bisitatuko ditu. Euren ingurura hurbilduko da, familia eta lagunak ezagutu, euren lanean nola moldatzen diren ikusi edo aisialdia berarekin partekatzeko.
Lehen bisita Jose Luis Kortari egingo dio. Telebistan zein arraunean soberan ezaguna den arren, oraindik ere harritu gaitezke Ortzaikakoarekin. Egunotan harro baino harroago dago, Kontxako Bandera eta San Miguel Liga Sestaoko Kaikurentzat lortu baitu.
Kirol mundutik ezaguna batez ere, bera sasoi onean dagoenez, kirol ezberdinak probatzeko indarra badu oraindik. Azkena, golfa. Desafio polita, Euzkitze versus Korta, pazientzia kontua bada... nork irabaziko?
'Bisitaria' asteazkenetan izango da ikusgai ETB-1en, 22:15ean.